Oliventre og sol

Ja so blei det pinsehelg med strålande veir. Det var på tide, rett før vi gjekk i oppløysning av alt regnet. Sit og høyrer på nitimen, og der snakkar dei om at i dag pøsregnar det....typisk for desse osloprogramma at alt dreiar seg om det som skjer rett utanfor studiodøra. No vil vi helst høyre om det vakre sommarveiret vi har, om sol og opp mot 20 grader tidleg på morgonen...haha...slik er det i dette merkelige landet.

I helga kjøpte eg meg eit oliventre!!! Har ønska meg eit lenge, men det er ikkje lett å få tak i her ute i distriktet. Treet er lite, og står i ei urne på verandaen. Tenk at det kan bli 2000 år gamalt!
Eg skal vere lukkeleg om eg får det til å overlevere eit par år eg, skal ta det inn til hausten og prøve å bevare det. Kjøpte også ein oppstamma rosmarin-plante, den ser også ut som eit lite tre...vakkert.

I går jobba eg i hagen, eg tok eit skikkelig grovarbeid, eg flytta store vintergrøne plantar og har laga til eit "miljø" opp mot skogen. Der er rhododendron, thuja, trådsypress og gran og furu. Plantane er små no, men eg ser for meg det heile om 3-4 år, då trur eg det blir flott...
Det var slitsomt og kjekt.

No har eg hatt alle dei franske korgene ut på fortauet ved butikken, det blei koselig det. Denne butikken hadde ikkje eg klart å gå rett forbi iallefall, men no er ikkje alle glopparar så galne etter herlige og inspirerande butikkar som eg er..

Skal drikke kaffi ute før eg set igang å måle krakk og kaketine.